منتدي المهند 1993
عزيزي الزائر **** تفيد هذه الرساله انك غير مسجل معنا

لهجات سورية

استعرض الموضوع السابق استعرض الموضوع التالي اذهب الى الأسفل

لهجات سورية

مُساهمة  محمد الطيب في الجمعة يوليو 22, 2011 8:44 pm

المصطلحات بشكل عام
دشرو : يعني حل عنو
ماني غضران : يعني لست بقادر (وهي بالميداني)
يوه تشكلو آسي : يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حب المتكلم للمتكلم عنه ....
الواه الواه : تعبير نسائي قح يفيد التمسخر على شيء ما
معبّا بـ بنطرون : يعني واحد أجدب وجاية يحكي
ولا : آداة تستخدم في النهر والشتم
وخنان : مسبة مانها ظريفة بس وضعت للضرورة اللغوية
دشّرني : أي حل عني ... وحل عني يعني اتركني بحالي
أيدي بزنارك : تعبير يستخدم للتعبير عن الرجاء
دخيل الله : أيضاَ تعبير والمقصود به هو الاستغاثة بالله
شعره متل الشوشة : أي أن شعره منفوش ومنكوش
وضرّاب السخن : وهي مسبة.. وتعني .... مابعرف مسبة وبس
يوه الواه الواه : مفردة شهيرة جدأ عند النساء وتفيد الأوية
كوكش : يعني يفتش
بحبش : أيضاً مفردة تعني البحث مع التمحيص
ينمحق : ويعني ينضرب على قامتو .. يسطفل
يبعتلو حمى : أي تصيبه حمى ويمرض
يتحورق : متل يبعتلو حمى
يتقوص : بنفس المعنى
يتأمع : كمان هيك شي
عود يقعد رزك : يعني خيلتنا حاجة تحوص
والمعنى الأدق: يقعد رزك يعني تموت والناس ياكلو رز.. لأنو من المعروف عندما يموت حدى بتصير عزيمة وبيطعمو الناس أوزي على روح الميت والأوزي أكلة معروفة بالشام
وين غاطط : وين مو مبين
والسبع تنعام : يعني إلنا الشرف
حيط بياخذو وحيط بيجيو : تقال للي بيسكر من كتر الترنح
مابيعرف الخمسة من الطمسه : عن الرجل اللي ماعندو ثقافة
سرّي مرّي : عاللي بيخفق برات البيت
شندي بندي : للي بيحكي بلا طعمه شروي غروي
فايت بالحيط – طاقق الفيوز : للدلالة على انو ماعم يلاقي كلمة مناسبة
مجنط : مفلس ولا قرش
كحته : إيدو ماسكه .. بخيل
شاطط ماطط : يعني مدلع زيادة
نعيان : يعني قلبو بارد
نايط = نعيان = بارد
شاضومه : بنت مجلوئة .. يعني كيف بدي إلكن .... قليلة أدب ومصبينه
شحاطة : مايلبسه المرء في قدمه عندما يكون في المنزل
تعسيله : نومة بعض الظهر
مسرسبة : يعني بتحب النظافة كتير
أسسييع أوعى الزيت : بمعنى وسع وفسح طريق
أغّيييييى : هي للأبضايات وبس
تأكلو الدودة العميا : يعني الواحد يموت وياكله الدود بعيد الشر
يبعتلو أتلو شو سمج : كمان يعني يموت وسمج يعني غليظ ..
موسوس : مهووس بشغله
عقلو جوزتين بخرج : يعني عقله صغير
متل الأطرش بالزفة : يعني مالو علاقة بالموضوع
حاج تحوص وتلوص : يعني حاجة تفتل وتدور
شوية لخار : بعد شوي
بنت عمي : يعني مرتو وطبعاً بالعكس
مالك بالطويل ... بعد مط الحديث و الدخول في ترهات ( الا أول و مالا آخر )
بدك الدغري ؟؟ ... متل ( بدك الصح ولا ابن عمو )
حاجتك بقا !!! .... للاستغراب و الدهشة من كلام الآخر و التشكيك بكلامو
شو ها الحكي ؟؟ .... عند الاندهاش من فظاعة كلام الآخر
و دخيل فلان ..... للدلالة على أن تصرفك شابه تصرف فلان لا و بل أسوأ
حاجتك هرت يو ... بالمشتاوية .. تعني عن الاقتناع إطلاقا بحديث الآخر
كلنا عا ها الطريق ... كلمة عبرة تقال عن المتوفي
متل ما عم قلك ... للدلالة انو في تهويل و مبالغة و الحكي ما بيتصدق
ما بذلّ عليك ... نفس الشي



هاي مصطلحات حلبية يعني لأهل حلب الي جنب حماه لتحت شوي مدري لفوق المهم بسوريا الي عاصمتا دمشق :



مطرمخ = يقال عن شخص أنو فايق مطرمخ أي ما صحي مظبوط وما عم يستوعب-
فستوكة = يقال عن بنت أنها فستوكة أي أنها لا تزال صغيرة
جوجحانة = مرجوحة لعبة للأولاد الصغار
فرشخانة = أداة للمّ الوسخ
جقجقة = المشي بحذاء مبتل فوق مكان نظيف و الفاعل مجقجق
شنق=صحن
بتاتة=بطاطا
أربا وأربين=أربع وأربعون
سقرطون=خزانة
مقرمد = يقال عن الشيء اللي ملزق ويبسان عليه وسخ
مجقة = قبلة
سهسكة = الضحك بصوت عالي
بشتي = أشتهي
بركي = لعل
معلاق = تقال للشخص الغليظ
لقلوقة = يقال عن البنت التي بتدور كتير من بيت لبيت
عالهس النس = يقال عن الشخص التحتاني (يعني اللي من تحت لتحت)
طشم = بهيم
مفجلق = قليل الحياء
صقاق = شارع
يوب = بابا
يوم = ماما
خيتو = أختي
خيو = أخي




لهجة مدينة اللاذقية يعني الي ساكنين جنب البحر المتوسط

اللهجة اللادآانية من أحلى اللغات اللي ممكن يسمعا الواحد وكمان هيي اغرب اللهجات يعني الي بيسمع واحد بيحكي هيك بيفكر ولد صغير عم يخبص حكي، ومشان تفهمو كيف طريقة اللفظ رح أشرح القواعد بطريقة مبسّطة كتير، بعدين رح نبلّش بالكلمات المنتقاة من معجم أبو صطيف خبّيني الشهير ورح شكّل كل كلمة مشان تنعرف كيف عم تنلفظ .

قواعد اللغة اللادقانية:

(1) في اللهجة اللاذقانية يحذف دائما اخر حرف في الجملة او الكلمة اذا كانت مفردة

(2) في اللهجة اللاذقانية تمد الكلمة دائما ثلاث حركات مد لازم

(3) في اللهجة الللاذقانية تشدد دائما الكلمات في اوسطها

(4) في اللهجة اللاذقانية الافعال الضعيفة تضاف اليها كما ( نهنه ) في مؤخرتها مثل (اخدوهنه) (اتلوهنه) (دبحوهنه) (ابوهنه) مع كسر الهاء.

(5) كافّة الكلمات التي تحوي حرف الألف تقلب إلى واو عريضةالكلمات : أهم كلمة في اللهجة اللاذقانيةهي «®°·.¸.•°°·.¸¸.•°°·.¸.•°®»كلمة عيّن «®°·.¸.•°°·.¸¸.•°°·.¸.•°®»، حتى انو اللادقاني بينعرف من هالكلمة، لدرجة انو مرة كان شب بإيطاليا طالع بعثة مع الجامعة، فكان بدّو يسأل واحد عربي عن شغلة، فقللو: عيّن!! فسألو الزلمة: إنت من اللادقية ما هيك؟
عيِّن = انظر
زتـّا = ارميها اشْلفا = ارميها
ازْركو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقال أحياناً للشخص الغبي بغيابو
أبتول = غبي
كريم (تلفظ الكاف متل الجيم المصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّة جداّ ، لأنو يستعمل بدل أي فعل، طبعاً وتشتقّ عنو الشايعة والشايع ولكن طبيعة هالفعل بتنقال في حالة الإشمئزاز من شي أو الانزعاج من شيء معيّن مسكليتة = بسكليتة الدراجة فالي بدو يتشيع يتشيع
ريحة = بارفان
جاكيّة = جاكيت
باكيّة = باكيت
خفّافة = بوط رياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىىى = تقال في حالة الصدمة و غالباً من شي ما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشر حالو بكل شي
معلاء = بيتدخل بكل شي
اسْكمْبري = نوع من السمك = حجش
اشْكمو= اخذلوا
يبأبــِش = يلخْبــِص= يلعب بأصابعه
بالورب = بالمايل
عواءبك = شرف العيلة
آآآ ( مد لازم 12 حركة مع فتح الفاه ) = للتعجب و الإستفهاماعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب )
ضبع = طنط
إيّاعااا = إيّا عزّةةة = شَحّاري= شحميطي = للتعجب الكتير
مكن = قوي
عكّيد = أبضاي
عَمْشة = وسخة
سأرأ = علبة معدنية
دَرْبَكو = دَعْتـَرو = اوقعه ارضا
زنزوءة = مرجوحة شئليبة = قلّيبة
مْأنشِح = وسخ
ألشين = جرابات
ألْشِت = زحطت
لـْبيسة = تياب داخلية
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت = مات
طـَشّة = أهبل
إيش ياه = شو ياه
مَكـَـنة )الكاف هون متل حرف الجيم بالمصري) = موتور
مشْنِص = نوع من الموتورات في عام ال 20 مشنص ( مصطلح ) = حظو حلو
دشّـو = تركو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة = نفاضة سواكير
بتـّو = بنتو
أخوّي = أخي
زاوة = زاوية
كبّينة = تواليت
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ما عليّ (مع تسكين الياء) = للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أو مربيش
فا = يوجد
إسّا = لسّا
يحمّك = دعوة بالشر و الحمة
فلوكا = مركب الصيد المتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعن اجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شو دخلك
أتـّورة = نـَتـّوسه = أتـّوسه = شوي صغيرة
فط = نط
خربر = مثقب وهو أداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عم تتطلع
مسأسئ = مليانة مي أو متشتش
شنتيانة = سيف طويل طري جدا للعلئة = مشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع قرقوعة = مهرهرة
سيبو = تركو
شكودري = شاوي حجش
يطلع صوب برا = يذهب إلى دورة المياه
كل يوم تعا = يا ميت اهلا و سهلا بس لا بآ تعيدا
شكارة = شكيلة ، وهي كلمة سيئة للفتاة الرخيصة جداً
ولا خَي = يا أخي تقال تحبّباً أو إذا كنت آخد وش عالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنب و معناها = جننو
طيك العوفة = يعطيك العافية
لأ ولو (مع التشديد على الهمزة في الـ لأ) = للإندهاش الشديد
بسّة = قطة
مريّة = مراية
avatar
محمد الطيب

عدد المساهمات : 69
نقاط : 196
تاريخ التسجيل : 16/07/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى